Published on ‘mihaaru’ news on 10th October 2021 at https://mihaaru.com/opinion/98720
މައުނަވީ ގޮތުގައި ލާމަރުކަޒު ކުރުމުގެ މަސައްކަތް ފެށޭނީ ދައުލަތުގެ އިދާރާތަކާއި ވަޒީފާތައް އަތޮޅުތަކަށް ބަދަލު ކުރަން ކެރުމުންނެވެ.
އިނގިރޭސި ބޮޑުވަޒީރު ބޮރިސް ޖޯންސަންގެ ‘ލެވެލިންގ’ ސިޔާސަތާއި އެއްގޮތްވާ ގޮތުގެ މަތިން 2020 ގެ މާރޗްގައި، އިނގިރޭސި ޗާންސެލަރ އޭނާގެ ބަޖެޓުގައި 22،000 ސިވިލް ސާރވިސް ވަޒީފާ 2030 ގެ ކުރިން ލަންޑަނުން ބޭރަށް ގެންދާނެކަމަށް އިއުލާނު ކުރެއްވިއެވެ. ސަރުކާރުގެ ސިޔާސާތާއި އެއްގޮތްވާގޮތުގެ މަތިން ވަކިވަކި ޑިޕާރޓްމަންޓްތަކުގެ ޕްލޭންތައް ހަދައި އިމްޕްލިމެންޓް ކުރުމަށް އިނގިރޭސި ކެބިނެޓުން ނިންމައި، އިިނގިރޭސި ސިވިލް ސާރވިސްގެ ހެޑްކުއާޓަރެއް ސްކްޓްލޭންޑްގެ ގްލާސްގޯ ގައި ގާއިމުކުރުމަށާއި، އިނގިރޭސި ޓްރެޒަރީ ޑާލިންގޓަނަށް ބަދަލުކުރުމަށް އިއްލާނުކޮށް، އެހެން ވުޒާރާތަކުން އެމީހުންގެ ވަކި ވަކި މަގުޗާޓުތައް އިއުލާނު ކުރަން ފެށިއެވެ. 2028 ގެ ކުރިން 400 ވަޒީފާ ލަންޑަނުން ބޭރުކޮށް، ޖުމަލް 977 މިލިއަން ޕައުންޑްގެ ރީ އޯރގަނައިޒޭޝަނެއްގައި، 60% ޓީވީ ޕްރޮގްރާމްތައް ލަންޑަނުން ބޭރުގައި އުފެއްދުމަށް ބީ.ބީ.ސީން މާރޗްމަހު އިއުލާނު ކުރިއެވެ.
މިއިން އެއްވެސް ކަމެއް ހިންގާކަށް ފަސޭހައެއް ނުވާނެއެވެ. ލަންޑަނުގެ އިއްޒަތުގައި، ވަޒީފާއަދާ ކުރަމުންގެންދާ ފަރާތްތަކަށް މިއީކީ ފަސޭހައިން އެއްބަސްވެވޭނޭ ކަމަކަށް ނުވާނެއެވެ. މިހާރުވެސް، އެކި ނަމުގައި އެކި ޖަމްއިއްޔާތަކުން ދަނީ މިކަމަށް ފާޑު ކިޔައި، އަދަދު ތަކާމެދު އަރާރުން ވަމުންނެވެ.
އަޅުގަނޑުމެންގެ ވެށީގައިވެސް ލާމަރުކަޒު ކުރުމުގެ ލަވައިގެ އަންބާގައި ބައިވެރިވާނަމޭ ބުނެ ބަސްއިއްވާ ފަރާތްތައް ގިނަ ނަމަވެސް، ފަހު ވަގުތު ފަހަތު ފަޔަށް ބުރަ ނުވާނޭ ކަމަކަށް ހީކުރާކަށް ނުވާނެއެވެ.
ކޮވިޑް ލޮކްޑައުންގައި ގޭގައި ތިބެގެން ދައުލަތް ހިންގި މީހުންނަށް، އަތޮޅުތަކަށް ވަޒީފާތައް ބަދަލު ކޮށް ޚިދުމަތް ދެވޭނޭ ކަމާމެދު ޝައްކު އުފެދެނެކީ ނޫނެވެ. އެކަމަކު ބޮޑެތި މީހުންނާ، ބޮޑެތި ވާން ބޭނުން ފަރާތްތަކާއި، އެފަރާތްތަކުގެ އިންވެސްޓްމަންޓާއި، ޝީޝާ ލިބެން ހުރި ކޮފީ މޭޒުތައް މާލޭގައި ހުރުމުގެ ސަބަބުން ފޫ ހޭކެނީއެވެ. އެއީ ހައިރާން ވާންވީ ކަމެއް ނޫނެވެ.
މައުނަވީ ގޮތުގައި ލާމަރުކަޒް ކުރެވޭނީ ސަރުކާރަށް ކެރުނު ދުވަހަކުންނެވެ.
މިވަގުތު ރާއްޖެއަށް ބޭނުންވާ މައުނަވީ ލާމަރުކަޒު ކުރުމަކީ ވަޒީފާތަކާއި ދައުލަތުގެ އިދާރާތައް އަތޮޅުތަކަށް ބަދަލުކުރަން ކެރުމެވެ. މިކަމަކީ ލާމަރުކަޒު ކުރުމުގެ ގާނޫނަށް މާއްދާއެއް އިތުރު ކުރުމަކުން ކުރެވޭނޭ ކަމެއް ނޫނެވެ.
ހިނގަމުން އައި މަގުން ހިނގޭކަށް ނެތް
މިއިން އެއްވެސް ކަމެއް ހިންގާކަށް ފަސޭހައެއް ނުވާނެއެވެ. ލަންޑަނުގެ އިއްޒަތުގައި، ވަޒީފާއަދާ ކުރަމުންގެންދާ ފަރާތްތަކަށް މިއީކީ ފަސޭހައިން އެއްބަސްވެވޭނޭ ކަމަކަށް ނުވާނެއެވެ. މިހާރުވެސް، އެކި ނަމުގައި އެކި ޖަމްއިއްޔާތަކުން ދަނީ މިކަމަށް ފާޑު ކިޔައި، އަދަދު ތަކާމެދު އަރާރުން ވަމުންނެވެ.
އަޅުގަނޑުމެންގެ ވެށީގައިވެސް ލާމަރުކަޒު ކުރުމުގެ ލަވައިގެ އަންބާގައި ބައިވެރިވާނަމޭ ބުނެ ބަސްއިއްވާ ފަރާތްތައް ގިނަ ނަމަވެސް، ފަހު ވަގުތު ފަހަތު ފަޔަށް ބުރަ ނުވާނޭ ކަމަކަށް ހީކުރާކަށް ނުވާނެއެވެ.
ކޮވިޑް ލޮކްޑައުންގައި ގޭގައި ތިބެގެން ދައުލަތް ހިންގި މީހުންނަށް، އަތޮޅުތަކަށް ވަޒީފާތައް ބަދަލު ކޮށް ޚިދުމަތް ދެވޭނޭ ކަމާމެދު ޝައްކު އުފެދެނެކީ ނޫނެވެ. އެކަމަކު ބޮޑެތި މީހުންނާ، ބޮޑެތި ވާން ބޭނުން ފަރާތްތަކާއި، އެފަރާތްތަކުގެ އިންވެސްޓްމަންޓާއި، ޝީޝާ ލިބެން ހުރި ކޮފީ މޭޒުތައް މާލޭގައި ހުރުމުގެ ސަބަބުން ފޫ ހޭކެނީއެވެ. އެއީ ހައިރާން ވާންވީ ކަމެއް ނޫނެވެ.
މައުނަވީ ގޮތުގައި ލާމަރުކަޒް ކުރެވޭނީ ސަރުކާރަށް ކެރުނު ދުވަހަކުންނެވެ.